Auld Januar

Auld Januar minds thi gate, kens thi name o aa thi bairns

Dreich ur bonny, wintergreen, nae laird, nae domine, s/he

Nae need fur rules tae reckon oot thi span o thi new Heid

Wha sweeps in lik ae new broom, an is swept oot afore alang

Frae school, kirk ur hospital, frae regiment, parliament

Toun cooncil, corporate board, estate office ur gang hut. 

 

Auld Januar ben thi lodge, receives, secures, watches, cares

An each new broom shuld tak tent o this auld deil, nivver blate

 Wi plain frank wurds o gude sense, respectin nae rank, nae swank

Angel o thi guard tae bairns in time o needs high heid yins

Ignore, tae ‘focus on all stakeholders/ take it forward

Januar, genius loci, minds thi gate: mind whaur ye step!  

 Creative Commons Door

 Alan McManus, Neerday, 2015

Advertisements